Jahonning eng kuchli biatlonchilari Germaniyada jam bo'lishdi

Ushbu material orqali muxlislar uchun biatlon olamidagi qiziqarli malumotlarni etkazib o'tmoqchimiz.

Bugun Germaniyaning Oberxof shahrida Jahon kubogining 5-bosqichi start oladi. 10 yanvar kuni yakunlanadigan ushbu bosqichda sportchilar sprint, taqib poygasi, aralash estafeta va singl-mikst yo'nalishlarida bahs olib borishadi. 5-bosqich dasturi esa quyidagicha:

8 yanvar:
15:30 – sprint, ayollar
18:15 – sprint, erkaklar

9 yanvar:
16:45 – taqib poygasi, ayollar
18:45 – taqib poygasi, erkaklar

10 yanvar:
15:30 – aralash estafeta
18:40 – singl-mikst

Poygalar Toshkent vaqti bilan ko'rsatilgan

Ortda qolgan 4 bosqichdan so'ng norvegiyalik biatlonchilar kutilganidek umumiy hisobda etakchilik qilishmoqda. Erkaklar o'rtasida Yoxannes Byo, ayollar klassifikaciyasida esa Marte Olsbyu-Royselanning peshqadamligiga guvoh bo'lish mumkin. Rossiyalik biatlonchilarning esa Jahon kubogi bosqichlarida 2019 yil dekabr oyidan beri “sovrinsiz” davri davom etmoqda.

Takidlash joiz, Jahon kubogining 6-bosqichiga 13-17 yanvar kunlari Germaniyaning Rupolding shahri mezbonlik qilishi belgilangan edi. Biroq epidemiologik vaziyat sabab tashkilotchilar Oberxofda ketma-ket ikki bosqichni o'tkazishga qaror qilishdi.