Nodirjon Mirzahmedov: "Sanjar Tashkenbayning jahon chempioni ekanligi meni cho'chitayotgani yo'q"

Olamsport.com sayti ushbu jang oldidan bokschimizga bir necha savol bilan murojaat qildi.

- Nodirbek, oz vaqt qolganida jangga rozi bo'ldingiz. Bu taklif qay tarzda bo'ldi?

- Bu taklif Xalqaro boks associaciyasi - IBAdan bo'ldi. Rossiya tomondan taklif bildirildi va biz rozi bo'ldik.

- Turnir kardini ko'rdik va u erda o'zbek bokschilari ichida faqat siz borsiz. Boshqa yurtdoshlarimizga takliflar bo'lmadimi? 

- Yo'q, 15 dekabr kuni Astanada o'tkaziladigan jang oqshomida o'zbekistonlik bokschilardan faqat men ringga ko'tarilaman.

- Sanjar Tashkenbay jiddiy raqib. Unga qarshi oldin ham jang o'tkazganmisiz?

- U bilan avval ham jang o'tkazganman. Bir marotaba. O'tgan yili Qozog'istonda o'tkazilgan xalqaro turnirda biz o'zaro to'qnash kelganmiz va o'shanda u 3:2 hisobida g'alaba qozongandi. 

- Tashkenbay jahon chempioni hisoblanadi. Uning bunday unvoni sizni cho'chitmaydimi? 

- Uning chempionligi meni cho'chitayotgani yo'q. Xudo xohlasa chiroyli boks tushamiz. Allohga shukr, biz ham Osiyoda chempion bo'lganmiz. Ruxiy tomonlama muammo umuman yo'q. Qarshimda bunday raqib turganidan havotirda emasman. Nasib qilsa, chiroyli boks tushib, g'alaba qozonaman", - dedi Nodirjon Mirzahmedov Olamsport.com saytiga bergan intervyusida.