O'zbekiston qishki sport turlari associaciyasi rahbariyati bilan yangi rejalar muhokama qilindi

Acsociaciya masullari soha mutasaddilari bilan uchrashib, kelajakdagi istiqbolli rejalarni muhokama qilib olishdi. “Amirsoy” tog' chang'i kompleksida bo'lib o'tgan uchrashuvda Iskander SHadiev boshchiligidagi O'zbekiston qishki sport turlari associaciyasi rahbariyati, O'zbekiston chang'i sport turlari federaciyasi va “Amirsoy” tog' chang'i kompleksi mutasaddi rahbarlari ishtirok etishdi.

Yig'ilish davomida Respublikamizda chang'i sport turlari, xususan, tog' chang'isi turlarini rivojlantirish, bu boradagi muammolarni chuqur o'rganish, mavjud trassalar holati, jumladan, tog' chang'isining barcha yo'nalishlari bo'yicha trassalar barpo etish, bu borada “Amirsoy” kompleksi bilan hamkorlikda ishlash kabi masalalar ko'rib chiqildi. 

O'z navbatida, federaciya mutasaddilari terma jamoada tajribali murabbiylarning etishmasligi, mashg'ulotlar jarayonidagi kamchiliklar, zamonaviy sport inventarlari etarli darajada emasligi, ushbu sportga qadam qo'yayotgan yoshlarga zarur motivaciya berilmayotgani kabi sohadagi muammolarni o'rtaga tashlashdi.

SHuningdek, uchrashuv mobaynida terma jamoamiz vakillarining Pekin-2022 qishki Olimpiya o'yinlariga yo'llanma olish imkoniyati, mavjud infratuzilma orqali qishki sport turlarini rivojlantirish va buning natijasida mamlakatimiz turizm salohiyatining imkoniyatlarini ochib berish kabi mavzular bo'yicha fikr va takliflar muhokama qilindi. 

Yig'ilish yakunida kuchli terma jamoani shakllantirish uchun hozirdan bolalar sportiga etibor qaratish, buning uchun chang'i sporti bo'yicha bolalar maktabini ochish, “Amirsoy” kompleksida terma jamoa sportchilarining shug'ullanishi uchun qulay sharoitlarni yaratib berish, mart oyida “Navro'z” bayrami munosabati bilan selekcion xarakterga ega Respublika musobaqalarini tashkil qilish bo'yicha ishlar belgilab olindi.