O'zbekistonlik sportchi 2022 yilgi qishki Olimpiya o'yinlariga ilk yo'llanmani qo'lga kiritdi

Sportchi saralash bahslarida ochkolar miqdori bo'yicha ko'rsatkichlari doirasida “slalom” va “gigant slalom” yo'nalishlari bo'yicha belgilangan meyorlarni bajarib, 2022 yilgi Olimpiadada ishtirok etish huquqini qo'lga kiritdi.

“Sportchining xalqaro musobaqalarda muvaffaqiyatli ishtirok etishiga Federaciya tomonidan saralash davridan boshlab strategik rejalashtirish va “Yangiobod” turistik bazasi tomonidan moliyaviy ko'mak ko'rsatilayotgani hissa qo'shdi», – dedi federaciya rahbariyati.

CHang'i federaciyasi 2022 yilgi Qishki Olimpiada o'yinlariga to'rt nafar sportchi (2 ta asosiy va 2 ta zaxira) o'quv-mashg'ulot yig'inlari va saralash musobaqalari uchun o'quv dasturini tasdiqladi. Dastur Turizm va sport vazirligi tomonidan moliyalashtirildi. O'quv-mashg'ulot yig'inlari Italiya, Avstriya va Rossiyada bo'lib o'tyapti.

O'zbekiston Xalqaro olimpiya qo'mitasi qoidalariga ko'ra, hozircha tog' chang'isi bo'yicha 2 kvota (1 ayol, 1 erkak) olishi mumkin.

Saralash davri 2019-yil 1-iyuldan 2022-yilning 16-yanvarigacha davom etadi. Mamlakatimiz 2022 yilgi qishki Olimpiya o'yinlariga yana bir yo'llanmani qo'lga kiritishi mumkin.

“O'zbekiston chang'i sportining boshqa turlari – snoubord, fristayl, ski-kross, chang'i yugurish turlari bo'yicha yana bir qancha yo'llanmanlarni olish imkoniyatiga ega. Federaciyaning chang'i sportini rivojlantirish bo'yicha takliflari avvalroq tayyorlanib, O'zbekiston Milliy olimpiya qo'mitasi hamda Turizm va sport vazirligiga taqdim etilgan”, — deyiladi federaciya rahbariyati xabarida.

Sportchilar Komiljon To'xtaev va Kovaleva Valeriya XOQ “Olimpiya birdamligi” stipendiyasini olishadi. Olimpiada birdamligi butun dunyo sportchilariga O'yinlarda qatnashish imkoniyatini beradi. Ehtiyojga muhtoj sportchilarga oylik tayyorgarlik granti hamda Olimpiya o'yinlari saralash musobaqalarida qatnashish uchun sayohat subsidiyalari to'lanadi.

Bundan tashqari, ananaga ko'ra yozgi Olimpiya o'yinlariga yo'llanmanlarni olgani uchun davlat tomonidan sportchiga 100 million so'm, murabbiyga esa 50 million so'm mukofot puli ajratiladi.

“Afsuski, bu amaliyot faqat yozgi Olimpiya o'yinlariga tegishli. Qishki Olimpiya o'yinlariga yo'llanmanlarni qo'lga kiritganlik uchun bunday rag'batlantiruvchi mukofotlar to'lansa, adolatdan bo'lardi», - deya taklif qildi federaciya.

Qishki Olimpiya o'yinlari Pekinda 2022 yilning 8-20 fevral kunlari bo'lib o'tadi