Rasman. Sobiq UFC jangchimiz Saidyoqub Qahramonovning shanba kuni kim bilan jang qilishi malum!

Kecha Olamsport.com sayti eng engil vazn toifasida o'zbekistonlik UFC sobiq jangchisi Saidyoqub Qahramonov ham ushbu turnir doirasida jang qilishi haqida xabar bergan edi.

Malum bo'lishicha, hamyurtimizga bu jangda braziliyalik Gabriel Pereyra Stankunas (2-1-0, karate) raqiblik qiladi. Qayd etish joiz, Saidyoqub bu jangda kanadalik Robbi Lavoyening o'rniga zaxira jangchisi sifatida ishtirok etadi.

Karate qoidalari asosida o'tkaziladigan turnirning markaziy jangida 36 yoshli UFC sobiq jangchisi Entoni Pettis yana bir sobiq UFC vakili Benson Henderson bilan jang qiladi.

Eslatib o'tamiz, hamyurtimiz so'nggi jangini 2023 yilning may oyida XMMA 6 turnirida braziliyalik Rafael Kostaga qarshi o'tkazib, ilk raunddayoq g'alaba qozongan edi. Qahramonov 2021-2022 yillarda UFC doirasida 3 ta jang o'tkazgan va ularning 2 tasida g'alaba qozongan, yana bir jangda mag'lub bo'lgan.