Univerciada-2020: Voleybol bo'yicha yakuniy musobaqa g'olibligi mezbonlarga nasib etdi

Musobaqada mintaqaviy bosqichda g'oliblikni qo'lga kiritgan 4 ta jamoa – Qoraqalpog'iston Respublikasi, Samarqand, Namangan va Jizzax viloyatlari terma jamoalari ishtirok etdi. Bir necha kun davom etgan musobaqa murosasiz ruhda davom etdi.Musobaqa davomida dastlab samarqandlik, so'ngra namanganlik qizlarni to'liq ustunlik bilan mag'lubiyatga uchratgan Qoraqalpog'iston Respublikasi terma jamoasi yakuniy o'yinni Jizzax viloyati jamoasi bilan o'tkazdi.

O'zaro o'yin davomida jizzaxlik sportchilardan 25:20, 25:10 va 25:14 hisobida ustun kelgan qoraqalpog'istonlik qizlar musobaqa yakunida 1-o'rinni egalladi. Namangan viloyati 2-o'rin, 3-o'rin esa jizzaxlik yoshlarga nasib qildi. Malumot uchun, Qoraqalpog'iston terma jamoasi tarkibi Nukus davlat pedagogika institutining talaba-qizlaridan iborat bo'ldi.

Sportchilarni musobaqaga Qoraqalpog'istonda xizmat ko'rsatgan murabbiy, O'zbekiston sport faxriysi, sport ustasi Azat Kazakov tayyorladi.

Voleybol bo'yicha «Univerciada-2020» sport musobaqalarida 1-o'rinni egallagan Qoraqalpog'iston Respublikasi terma jamoasi 2021 yil bo'lib o'tadigan jahon «Univerciada» o'yinlariga yo'llanmani qo'lga kiritdi.

Malumot uchun, Qoraqalpog'iston Respublikasi voleybol bo'yicha qizlar terma jamoasi so'nggi marta 2007 yil o'tkazilgan «Univerciada» sport musobaqalarida oltin medalni qo'lga kiritgan edi.