13 dek 12:59
Yangiliklar

Boks/MMA

Xurshid Tojiboev 15 dekabr kuni Lion shahrida ringga ko'tariladi + POSTER

Professional bokschimiz Xurshid Tojiboev navbatdagi jangini 15 dekabr kuni Franciyaning Lion shahrida o'tkazadi.

Palais Des Sports De Gerland arenada o'tkaziluvchi boks oqshomida hamyurtimizga franciyalik Kaddur Hmiani raqiblik qiladi. Jang sakkiz raund etib belgilangan. Kaddur prof ringda 6 ta jang o'tkazib, 4 g'alaba (2 nokaut) va 2 mag'lubiyat qayd etgan.

Malumot uchun, Xurshid Tojiboev shu yil Ispaniyaning ADAMAS Sport boks promouterlik kompaniyasi bilan shartnoma imzolagan edi. Havaskor boksda Osiyo chempioni, Olimpiya o'yinlari ishtirokchisi bo'lgan Tojiboev prof ringda 6 ta jang o'tkazib, barchasida g'alaba qozongan. Uchta jangini muddatidan avval yakunlagan.