28 июн 16:05
Янгиликлар
Қишки спорт турлари
Россиялик машҳур спортчи Ўзбекистон паспортини олиб улгурди. У юртимиз шарафини ҳимоя қилади
Аввалроқ, конькида югуриш спорт тури вакили, россиялик Данила Семериковнинг Ўзбекистон сафига ўтиш ниятида экани ҳақида хабар берган эдик.
"Матч ТВ" нашрининг маълум қилишича, спортчи аллақачон Ўзбекистон паспортини олган. У бундан буён терма жамоамиз сафида ҳаракат қилади.
Манбанинг хабарига кўра, 29 ёшли Семериков ўз қарори билан Россия конькида югурувчилар Иттифоқини хабардор қилган.
Маълумот учун, Данила Семериков конькида югуриш бўйича жаҳон чемпионатларида тўрт маротаба бронза медалини қўлга киритган. 29 ёшли спортчи Европа чемпионатида ҳам иккита кумуш ва битта бронза медалига эга чиққан. У Россияда коньки югуриш спорт турининг машҳур вакилларидан ҳисобланади.
Аввалроқ, фигурали учувчилар Екатерина Гейниш ҳамда Дмитрий Чигиревнинг ҳам Ўзбекистон терма жамоаси сафига ўтиши ҳақида хабар берган эдик.
Ҳавола :
Манба : МатчТВ
Фикрлар