20 май 15:35
Янгиликлар

Бокс/ММА

Octagon League собиқ чемпиони Муҳаммаджон Қурбонов қайтмоқда. Унинг рақиби Бразилиядан (ПОСТЕР)

Ўзбекистонлик ММА жангчиси, ярименгил вазн тоифасида Octagon League собиқ чемпиони Муҳаммаджон Қурбонов фаолиятини янги ташкилотда давом эттиради.

Унинг Naiza FC Лигаси билан ҳамкорликдаги илк жанги 30 май куни бўлиб ўтади. Naiza 73 турнири доирасида Қурбоновга бразилиялик Робсон Кавальканте рақиблик қилади.

Маълумот учун, 33 ёшли Муҳаммаджон Қурбонов фаолияти давомида 16 та жанг ўтказиб, 12 ғалаба ва 4 та мағлубият қайд этган. У 2023 йил октябрь ойида Octagon League'даги сўнгги жангини ўтказган бўлса, орадан бир йилдан кўпроқ вақт ўтиб, Таиландда жанг қилди. Кавальканте ҳисобида эса 25 та ғалаба ва 18 та мағлубият бор.