17 окт 19:21
Янгиликлар

Теннис

Полина Кудерметова Ningbo Open саралашининг иккинчи босқичига чиқди

Ўзбекистоннинг учинчи ракеткаси Полина Кудерметова Хитойда ўтаётган Ningbo Open турнири саралаш босқич 1/2 финал учрашувида ғалабага эришди.

Кудерметова саралашда 11-рақам остида таснифланган Таиланд вакиласи Мананчая Савангкаевни икки сетда — 6:3, 6:4 ҳисобида мағлуб этди. Бу теннисчиларнинг ўзаро ўтказган илк учрашуви бўлди. Вакиламиз 9, Мананчая эса 2 та эйс зарбасини амалга оширди. Қўшхатолар таиландлик теннисчида кўпроқ бўлди - 8 га 5.

Ушбу ғалабадан сўнг Полина саралашнинг финалига йўл олди. Унинг кейинги рақибаси россиялик 24 ёшли Анастасия Захарова бўлади.

Таққослаш учун, Полина дунё рейтингида 102, Анастасия эса 111-ўринни эгаллаб турибди. Мананчая Савангкаев эса дунёнинг 83-ракеткаси эди. Ningbo Open WTA 500 туркумига кирувчи нуфузли турнир ҳисобланади.