04 авг 20:53
Янгиликлар

Теннис

15 ёшли Гофф Вашингтонда чемпион бўлди

Америкалик теннисчилар Кори Гофф ва Кэти Макнейли Вашингтондаги турнирнинг жуфтлик баҳси чемпионига айланишди.

Улар ҳал қилувчи финал учрашувида америкалик Мария Санчес ҳамда венгриялик Фанни Столлар жуфлигига қарши кортга чиқишди. Гофф ва Макнейли 1 соату 5 дақиқа давом этган баҳсда зафар қучишди - 6/2, 6/2.

Америкалик теннисчилар фаолиятларидаги илк совринга айнан Вашингтонда эга чиқишди. Citi Open турниридаги муваффақиятли иштирок 15 ёшли Гофф ҳамда Макнейлига 12 300 доллар мукофот пули ҳамда 280 рейтинг очкосини келтирди.