15 ёшли Камила Валиеванинг Instagram'даги обуначилари сони 1 миллионга етди

Қишки Олимпия ўйинлари бошланганидан кейин фигурали учувчининг Instagram'даги расмий аккаунтидаги обуначилар сони 4,5 баробардан кўпроққа ошди. Тўрт йилликнинг энг нуфузли мусобақаси бошланишидан бир кун аввал, 4 февраль куни Валиеванинг саҳифасига 208 минг киши обуна бўлган бўлса, ҳозир бу рақам 1 миллиондан ошиб кетди. Допинг билан боғлиқ вазият, унинг атрофидаги гаплар Валиевага бўлган қизиқишни янада оширди. Бир кун аввал спортчининг обуначилари 873 мингтани ташкил этаётганди. Камиланинг 26 январь куни жойлаган сўнгги пости эса 5 млнга яқин кўрилган. 

Эслатиб ўтамиз, Камила Валиева Олимпия ўйинларида фигурали учиш бўйича жамоавий беллашувларда олтин медални қўлга киритди. Шундан сўнг, унда допинг билан боғлиқ можоро юзага келди. Камила яккалик баҳсларида 4-ўрин билан кифояланадиган бўлди. Спортчи кеча Пекиндан ўз уйига қайтди.