04 июл 19:13
Янгиликлар

Теннис

15 ёшли Кори Гофф Курникованинг рекордини такрорлади

Америкалик 15 ёшли теннисчи Кори Гоффнинг Уимблдон турнирининг учинчи даврасига йўл олгани ҳақида хабар берган эдик.

Гофф аввалига ўзидан 24 ёшга катта америкалик Винус Уильямсни мусобақадан чиқариб юборди. Иккинчи даврада эса словакиялик Магдалена Рибариковадан устун келди. Энди у учинчи босқичда словениялик Полона Херцогга қарши кортга чиқади.

Шу тариқа, 15 ёшли Гофф Анна Курниковадан сўнг "Катта Дубулға" турнирининг учинчи даврасига етиб келган энг ёш теннисчига айланди. Россиялик Курникова 1996 йилда US Open турнирининг 1/8 финалига қадар етиб борганди.