22 авг 12:17
Янгиликлар

Теннис

16 ёшли Андреева Кливлендда муваффақиятли старт олди

Дунёнинг 67-ракеткаси бўлиб турган Мирра Андреева АҚШнинг Кливленд шаҳрида ўтказилаётган WTA турниридаги юришини бошлади.

Россиялик иқтидор эгаси мусобақанинг илк даврасида WTA рейтингида 77-поғонада бораётган германиялик Тамара Корпачни 6/0, 3/6, 7/5 ҳисобларида мағлубиятга учратди. Теннисчиларнинг ўзаро иккинчи учрашувида ҳам Мирра рақибасидан устун эканини амалда исботлади - 2:0.

Икки соату 16 дақиқа давом этган баҳсда иккала теннисчи ҳам биттадан эйс арбасини амалга оширди. Брейклар Андреевада кўпроқ бўлди - 5 га 3! Энди 16 ёшли Андреева иккинчи даврада америкаkbr Слоан Стивенсга қарши кортга чиқади. Слоан биринчи босқичда ҳамюрти Лорен Дэвисдан устун келди - 1/6, 6/3, 6/1.