30 июн 19:07
Янгиликлар

Теннис

16 ёшли Мирра Андреева "Уимблдон" асосий тўрига чиқди

Дунёнинг 102-ракеткаси бўлиб турган Мирра Андреева "Катта Дубулға" туркумига кирувчи Уимблдон турнирининг саралаш баҳсларини муваффақиятли якунлади.

Россиялик 16 ёшли иқтидор эгаси саралаш турнирининг финал учрашувида WTA рейтингида 120-поғонада бораётган германиялик Тамара Корпачдан 7/5, 5/7, 6/2 ҳисобида устун келди. Бу теннисчиларнинг ўзаро ўтказган илк учрашуви эди.

Икки соату беш дақиқа давом этган баҳсда Андреева 3 та эйс, 8 та брейкни амалга ошириб, 6 та қўшхатога йўл қўйди. Мирранинг асосий тўр илк даврасидаги рақибаси кейинроқ аниқ бўлади.