17 ёшга ҳали тўлмаган Мирра Андреева Руанда муваффақиятли старт олди

Дунёнинг 43-ракеткаси бўлиб турган Мирра Андреева мусобақадаги иштирокини ғалаба билан бошлаб олди. Ўн бир кундан сўнг 17 ёшга тўладиган россиялик иқтидор эгаси илк даврада WTA рейтингида 65-поғонадан жой олган аргентиналик Надя Подорошкани ортиқча қийинчиликсиз мағлубиятга учратди - 6/1, 6/3.

Теннисчиларнинг ўзаро иккинчи учрашувида ҳам Мирранинг қўли баланд келди. Етмиш олти дақиқа давом этган баҳсда Андреева 2 та эйс, 5 та брейкни амалга оширди. Иккала теннисчи ҳам қўшхатога йўл қўймади.