19 ёшли Диана фаолиятидаги илк совринга эга чиқди

Бош соврин россиялик Диана Шнайдерга насиб этди. Дунёнинг 108-ракеткаси бўлиб келган Шнайдер ҳал қилувчи финал учрашувида WTA рейтингида 45-поғонада борган хитойлик Чжу Линни уч сет натижасига кўра мағлубиятга учратди - 6/3, 2/6, 6/1.

Бир дақиқаси кам икки соат давом этган баҳсда Шнайдер 1 та эйс ва 6 та брейкка эришиб, 1 та қўшхатога йўл қўйди. Теннисчиларнинг ўзаро учрашувларидаги ҳисоб 2:0 кўринишига келди. 

Таиланддаги муваффақиятли иштирок Шнайдерга 250 рейтинг очкоси ҳамда 36,250 доллар мукофот пули келтирди. Бу 19 ёшли россиялик иқтидор эгасининг илк WTA соврини бўлди. Бугун эълон қилинган рейтингда у дунёнинг 73-ракеткасига айланиб олди.