19 ёшли Гофф дунёнинг биринчи ракеткасини мағлуб этди

Кутилмаганда сайёрамизнинг биринчи рақамли теннис маликаси Ига Свёнтек финал остонасида мағлубиятга учради. WTA рейтингининг еттинчи поғонасида бораётган америкалик 19 ёшли Кори Гофф номдор рақибасини 7/6(2), 3/6, 6/4 ҳисобларида мағлуб этди. 

Эътиборлиси, Кори ўзаро учрашувларда илк бор Свёнтекдан устун келди - 1:7. Икки соату 50 дақиқа давом этган баҳсда Гофф 6, Свёнтек 1 та эйс зарбасини амалга оширди. Қўшхатолар Корида тенг баробар кўпроқ бўлди - 6 га 3! Брейклар эса 4 га 3 кўринишда, Ига фойдасига бўлди. Энди 19 ёшли иқтидор эгаси Western & Southern Open бош соврини учун чехиялик Каролина Муховага қарши кортга чиқади.