19 дек 07:52
Янгиликлар

Формула-1

21 яшар ҳамюртимиз Rossa Racing таркибида Дубайдаги 24 соатлик пойгада иштирок этади + ФОТО

Теглар : Rossa Racing

Ўзбекистонлик пойгачи Исмоил Аҳмедхўжаев "24 соат Дубай" суткалик марафонида Rossa Racing экипажини бошқаради.

Бу ҳақда Rossa бренди асосчиси Роман Русинов ўзининг телеграм-каналида хабар берди.

Пойгага Rossa LM GT австомобили қўйилади. Шунингдек, экипаж таркибида чидамлилик пойгаларининг кўп карра чемпиони, Rossa бренди асосчиси Роман Русинов, БААлик автопойгачи Амна Ал-Кубаиси ва ёш пилот Вячеслав Гутак ҳам бўлади. 21 ёшли Исмоил Аҳмедхўжаев учун бу Дубайдаги бир кунлик марафондаги дебют пойга бўлади.

Rossa LM GT автомобили биринчи марта шу йилнинг январь ойида "24 соат Дубай" пойгасида тақдим этилган ва дарҳол юқори тезликни кўрсатиб, поул-позицияни эгаллаганди. Дебютдан сўнг модель автоспорт ҳамжамиятида катта қизиқиш уйғотди.

Бу галги "24 соат Дубай" пойгаси 2026 йилнинг 17-18 январь кунлари ўтказилади.