04 июл 09:26
Янгиликлар

Бокс/ММА

41 яшар Муслим Салиховнинг UFC'даги кейинги жанги эълон қилинди

У ҳамюртларимиз билан битта кардда чиқиш қилади.

26 июль куни Бирлашган Араб Амирликларининг Абу-Даби шаҳрида ММА бўйича UFC Fight Night турнири ўтказилади.

Мусобақадан ўрин олган навбатдаги беллашув эълон қилинди.

Ярим ўрта вазн тоифасида фаолият олиб борувчи россиялик аралаш якка кураш устаси Муслим Салихов турнир доирасида Бразилия вакили Карлос Леальга қарши октагонга кўтарилади.

Салихов фаолияти давомида 26 та жанг ўтказиб, 21 та ғалаба ва 5 та мағлубиятни ўз ҳисобига ёздирган. 31 яшар Карлос Леаль ҳисобида эса 22 та ғалаба ва 6 та мағлубият бор.

Эътиборлиси, 26 июль кунги UFC турнирида ўзбекистонлик ММА усталари — Рамазон Темиров ва Богдан Гусков ҳам иштирок этади.