16 дек 09:59
Янгиликлар

Бокс/ММА

43 йилдан бери бир оила бошқариб келаётган WBA президентлиги учун сайлов ўтказилди

Бутунжаҳон бокс ассоциацияси (WBA) президенти кичик Хильберто Мендоса янги 5 йиллик муддатга сайланди.

АҚШнинг Флорида штати Орландо шаҳрида WBA ташкилотининг 104-Конгресси ўтказилди. Унинг доирасида WBA президентлиги учун сайлов ҳам бўлиб ўтди. Амалдаги президент Хильберто Мендоса кўпчилик овоз билан янги 5 йиллик муддатга сайланди. У энди ташкилотни 2030 йилгача бошқаради.

Маълумот учун, Мендоса илк бор 2015 йилда WBA президенти этиб сайланган эди. У бу лавозимда 1982 йилдан бери ишлаб келган отаси катта Хильберто Мендосани алмаштирганди.

Бутунжаҳон бокс ассоциациясига 1921 йилда National Boxing Association (NBA) номи остида асос солинган. 1962 йилда ташкилот номи ҳозиргиси - WBAга алмаштирилган. 1975 йилда WBA штаб-квартираси Панамадан АҚШга кўчирилган эди.