"50 ёшимда ҳам Бивол билан жангни рад этмасам керак" - Артур Бетербиев

Маълумот учун, Бетербиевнинг навбатдаги рақиби Деон Николсон бўлади, жанг 22 ноябрда Ар-Риёдда ўтказилади. 

— Кўп мухлисларнинг хафсаласи пир бўлди. Уларга нима дейсиз?

— Улар ҳафа бўлишганини тушунаман — мен ҳам бу жангни кутганман ва у спорт учун ҳам, биз учун ҳам муҳим деб ҳисоблайман. Аммо унутманг, жанг ташаббусини доимо мен кўрсатганман. Фақат тайёр эканимни айтмасдан, аниқ сана ва шартларни ҳам таклиф қилганман. Бивол томонидан эса фақат сукут ва баҳоналар бўлди. Менимча, мухлислар фақат чиройли сўзларни эмас, амалда қилинадиган ишларни ҳам кўришга ҳақли.

— Агар Бивол жангга чиқишга қарор қилса, тайёр бўласизми?

— Балки, мен 50 ёшга тўлганимдами? Лекин… ҳатто ўшанда ҳам, эҳтимол, рад этмасам керак, — деди бокс бўйича собиқ жаҳон чемпиони Артур Бетербиев.