7 апрель - Бутунжаҳон Саломатлик куни!

Жаҳон Соғлиқни сақлаш ташкилоти 1948 йил 7 апрель куни ташкил топган. Ушбу сана Жаҳон саломатлик куни сифатида бутун дунёда байрам қилинади, турли акция ва тадбирлар ўтказилади. Хусусан, юртимизда ҳам кенг аҳоли қатламини қамраб олувчи кичик марафон, спорт мусобақалари ташкил этилади.

Афсуски, бу йил коронавирус пандемияси сабаб сайёрамизда ушбу кун кенг нишонлайманди. Вазият уйда ўтиришни, кўчага чиқмасликни, оммавий тадбирларни умуман ўтказмасликни талаб этмоқда. 

Шундай бўлса-да, уй шароитида енгил машғулотларни бажариб, ўз саломатлигимизни янада мустаҳкамлашга, бу билан нафақат ўзимиз, балки жамият тараққиёти учун ҳам хисса қўшишимиз мумкин. Фақат соғлом бўлсаккина, эзгу ишларни амалга ошира оламиз. Бунинг учун эса доимий равишда ҳаракатда бўлмоғимиз, спорт билан шуғулланишимиз талаб этилади. 

Ўзингизни ва оила аъзоларингизни асранг!