Самолётдаги воқеалардан сўнг Майк Тайсонга айблов қўйилмайди

"Биз Сан-Франциско полиция департаменти ва Сан-Матео округи шерифининг полиция ҳисоботини ўрганиб чиқдик, ҳуқуқни муҳофаза қилувчи органлар томонидан самолётдагилардан олинган турли ҳил видео-ёзувларни кўриб чиқдик. Қароримиз шуки, биз қарама-қарши ҳолатлардан келиб чиқиб, жаноб Тайсонга қарши ҳеч қандай айблов қўймаймиз", - дея Сан-Матео округи прокурори Стивен Вагстаффнинг сўзларини келтиради MMA Mania.

Эслатиб ўтамиз, воқеа 20 апрель куни содир бўлди. Тайсон Сан-Францискодан Флоридага парвоз қилаётганди. Парвоздан олдин Майк ҳамма билан суратга тушди. Шу билан бирга, унинг орқасида ўтирган йигит қатъият билан у билан гаплашмоқчи бўлган. Тайсон ундан тинчланишни сўраган, бироқ йигитга бу гаплар таъсир қилмаганидан сўнг "Темир Тайсон” унинг юзига бир неча марта зарба йўллаган.