Абдумалик Халаков ғалабадан сўнг нималар деди?

"Биринчи навбатда ота-онам ва мураббийимга миннатдорчилик билдираман. Улар қийин вақтда мени қўллаб туришда ва уларнинг кўмаги билан доим олға боришда давом этдим. Кетма-кет иккинчи марта Ўзбекистон чемпиони бўлганимдан хурсандман. 

Рақибларим анча кучли ва тажрибали эди. Финалдаги рақиб эса “Uzbek Tigers” сафида рингга кўтарилган, шунингдек, бир нечта халқаро мусобақаларда ғалаба қозонган эди. Шундай жиддий рақибимни мағлуб этиб, чемпион бўлганимдан хурсандман . Барча жанглар эсда қоларли бўлди. Ҳар бир жангда мағлуб бўлишим мумкин эди. Бу йилги чемпионликни қадри бошқача бўлди десам бўлади, бу йилги турнирда жуда кучли боксчилар рингга кўтарилди.

 Ўзбекистон чемпионати жаҳон чемпионати каби бўлади. Чемпион бўлган боксчи халқаро мусобақаларда анча кучли жанг қила олади. Энди бироз оила аъзоларим билан бирга бўламан. Узоқ вақт давомида уйдан узоқда бўлдим. Карантин вақтида бизга шароит яратиб берган Ўзбекистон бокс федерациясига миннатдорчилик билдираман",- деди Халаков