20 авг 00:58
Янгиликлар
Спорт курашлари, Токио-2020
Абдураҳмоновнинг бронза медал учун баҳсдаги рақиби маълум
Эркин курашчимиз Бекзод Абдураҳмоновнинг Рио Олимпиадаси бронза медали учун кечадиган баҳсдаги рақиби маълум бўлди.
Унга кўра, ҳамюртимиз озарбайжонлик Жабраил Гасановга қарши гиламга чиқади. Гасанов ўтган йили Боку шаҳрида ўтказилган биринчи Европа ўйинларининг бронза медал совриндори хисобланади. Терма жамоамизга навбатдаги бронза медалини тақдим этиши мумкин бўлган учрашув бироздан сўнг бошланади.
Эслатиб ўтамиз, -74 кг вазн тоифасидаги вакилимиз бундан аввалги ўтиш баҳсида америкалик жиддий рақиб – Жордан Эрнест Барроузни мағлубиятга учратишга муваффақ бўлган эди.
Эътиборлиси, америкалик эркин курашчи Лондон-2012 Олимпиадаси ғолиби, яъни амалдаги олимпия ўйинлари чемпиони, уч карра жаҳон чемпиони, икки бор Жаҳон Кубоги соҳиби, яна шунча Пан-Америка ўйинлари ғолиби эди.
Ҳавола :
Манба : olamsport.com
Фикрлар