03 июл 18:50
Янгиликлар

Теннис

Абдураимова Германиядаги турнирда кортга чиқди

Германиянинг Штутгарт шаҳрида теннис бўйича "Фьючерс" туркумига кирувчи турнирнинг саралаш баҳслари давом этмоқда.

Соврин жамғармаси 25 000 АҚШ долларини ташкил қилувчи мусобақада икки ҳамюртимиз ҳам иштирок этяпти. Нигина Абдураимова яккалик баҳсларининг асосий тўрида, тажрибали Албина Хабибулина эса жуфтлик турнирида ўз имкониятини синовдан ўтказмоқда.

Ҳозиргина якунига етган илк давра учрашувида Абдураимова турнирнинг еттинчи ракеткаси беларуслик Ольга Говорцовага қарши кортга чиқди ва 1 соату 6 дақиқада кучли рақибасига 1:6, 2:6 ҳисобида имкониятни бой бериб қўйди. Хабибулина эса қирғизистонлик Ксения Палкина билан бирга жуфтлик баҳсини ғалаба билан бошлади.