19 дек 10:09
Янгиликлар

Теннис

Абдураимова Мумбайдаги иштирокини ғалаба билан бошлади

Шу кунларда Ҳиндистоннинг Нави Мумбай шаҳрида теннис бўйича "Фьючерс" туркумига кирувчи турнир бўлиб ўтмоқда.

Соврин жамғармаси 25 000 АҚШ долларини ташкил этувчи мусобақада ҳамюртимиз Нигина Абдураимова ҳам иштирок этяпти. Мамлакатимизнинг иккинчи ракеткаси асосий тўрнинг илк даврасида ғалабага эришди.

Абдураимова америкалик Анастасия Нефедовага қарши кортга чиқиб, рақибасини ортиқча қийинчиликсиз - 6:1, 6:2 ҳисобида мағлуб этди. Энди Нигина чорак финал чиптаси учун грузиялик Марьям Болквадзега қарши баҳс олиб боради. Болквадзе турнирнинг олтинчи ракеткаси, украиналик Валерия Страховадан устун келди - 6:2, 6:2.