27 апр 19:36
Янгиликлар

Теннис

Абдураимова Оэйрашда чехиялик рақибасини енгди

Португалиянинг Оэйраш шаҳрида теннис бўйича W60 тоифасига кирувчи турнир давом этмоқда.

Мукофот жамғармаси 60 минг еврони ташкил қилувчи ушбу мусобақада ҳамюртимиз Нигина Абдураимова ҳам муваффақиятли иштирок этяпти. Бироз аввал мамлакатимизнинг биринчи ракеткаси иккинчи давра учрашувини якунлади.

Дунёнинг 184-ракеткаси бўлиб турган Абдураимова 74 дақиқа давом этган 1/8 финал учрашувида WTA рейтингида 329-поғонада бораётган чехиялик Микаэла Байерловани 6/2, 6/2 ҳисобларида мағлубиятга учратди.

Энди Абдураимова 1/4 финал баҳсида Юлия Готовкага қарши кортга чиқади. Беларуслик теннисчи бугун нимчорак финалда венгриялик Эдриэн Нагидан 6/1, 6/2 ҳисобида устун келди. Айнан Готовка биринчи босқичда турнирнинг биринчи ракеткаси, дунё рейингида 151-ўринни эгаллаб турган австралиялик Оливия Гадекини мусобақадан чиқариб юборганди.