02 июл 15:24
Янгиликлар

Теннис

Абдураимованинг Германия турниридаги рақибаси маълум

Германиянинг Штутгарт шаҳрида теннис бўйича "Фьючерс" туркумига кирувчи турнирнинг саралаш баҳслари давом этмоқда.

Соврин жамғармаси 25 000 АҚШ долларини ташкил қилувчи мусобақада икки ҳамюртимиз ҳам иштирок этади. Нигина Абдураимова яккалик баҳсларининг асосий тўрида, тажрибали Албина Хабибулина эса жуфтлик турнирида ўз имкониятини синовдан ўтказади.

Бугун асосий тўрга қуръа ташланди ва унга кўра Абдураимова илк даврада турнирнинг еттинчи ракеткаси беларуслик Ольга Говорцовага қарши кортга чиқадиган бўлди. Хабибулина эса бугун қирғизистонлик Ксения Палкина билан бирга жуфтлик баҳсида ўз маҳоратини намойиш этади.