Абдувалиев - Осиё енгил атлетика ассоциацияси вице-президенти!

Мазкур тадбирда Ўзбекистон жисмоний тарбия ва спорт вазирлиги бошқарма бошлиғи Низомжон Тўхтабоев, Ўзбекистон енгил атлетика федерацияси президенти Андрей Абдувалиев ва федерация бош котиби Камолиддин Рўзимухаммедов ҳам иштирок этишмоқда.

Конгресс доирасида давомида Осиё енгил атлетика ассоциацияси (ОЕАА) президенти ва вице-президентилиги (1 нафар катта вице-президент ва 5 нафар вице-президентлар) учун сайловлар ўтказилди.

Биз учун аҳамиятли томони шундаки, Осиё енгил атлетика федерациялари ассоциацияси вице-президентилиги лавозимига Ўзбекистон енгил атлетика федерацияси президенти Андрей Абдувалиев ҳам сайланди.

Осиё енгил атлетика ассоциацияси (ОЕАА) президентилигини эса Дахлан Ал-Ҳамад ўзида сақлаб қолди.

Маълумот учун, Андрей Абдувалиев 1966 йилда туғилган. МДҲ бирлашган терма жамоаси сафида 1992 йилги Олимпия ўйинларида чемпионликни қўлга киритган. 2000-2012-йиллар давомида Ўзбекистон енгил атлетика федерациясининг бош котиби лавозимида фаолият олиб борган. 2018 йил май ойида Ўзбекистон енгил атлетика федерацияси президенти этиб сайланган.