Адам Яндиев кечаги воқейликка илк муносабатини билдирди

Ўрта вазнда собиқ UFC жангчиси ҳисобланган Яндиев кеча "Лужники"даги ММА турнири чоғида тадбиркор Руслан Абдо ҳамда оғир вазн тоифасида Bellator жангчиси Сергей Харитоновни дўппослаган эди. Кутилмаган ҳужумга учраган ҳар икки жабрланувчи оғир жароҳатлар билан касалхонага ётқизилган.

"Қадрли дўстлар, акалар, опа-сингиллар, барчангиздан кечирим сўрайман. Эндигина телефонимга етиб бордим. Бироз сабр қилсангиз, ҳамма ҳақиқатдан бохабар бўласизлар. Эртага мен бор гапни айтиб бераман. Бу бўйича тўлиқ интервью бераман. Унда бу шахс билан ўртамиздаги муносабатларнинг бошидан то охиригача аниқ фактларга таянган ҳолда маълумотларни тақдим этаман. Шу сабабдан ҳам айблашга шошилманг. Эртагача, қадрдонларим!", - дея Инстаграм саҳифасида хабар қолдирган Яндиев. 

Маълумот учун, Сергей Харитонов кечаги воқеадан кейин берган интервьюсида Яндиевнинг бир миллион рубль қарзи борлиги ва "ишкал" шунинг устидан чиққанини айтган эди.