25 дек 11:34
Янгиликлар

Бокс/ММА

Адесанья ҳамюрти Паркернинг ғалабасидан пул ишлаб олди + ФОТО

Ўрта вазнда собиқ UFC чемпиони Исраэль Адесанья ҳамюрти Жозеф Паркернинг ғалабаси учун тотализаторга пул тиккан эди.

Янги зеландиялик супероғир вазн тоифасида боксчи куни кеча Саудия Арабистони пойтахти Ар-Риёд шаҳрида ўтказилган профессионал бокс оқшомида америкалик собиқ жаҳон чемиони Деонтей Уайлдерни шов-шувли тарзда мағлубиятга учратишга муваффақ бўлганди.

Жангни бевосита ринг ёнида томоша қилган Адесанья ўзининг ижтимоий тармоқдаги саҳифасига пул ютуқли купонини жойлаштирди. Унда кўриниб турибдики, Исраэль Паркернинг ғалабасига 5 000 доллар пул тиккан. Ғалаба коэфиценти эса 5 ни ташкил қилган.

Маълумот учун, Адесанья шу йил сентябрда ўтказилган UFC 293 турнирида америкалик Шон Стриклендга чемпионлик камарини бой бериб қўйганди. Бу 34 ёшли Исраэль учун UFC промоушенидаги учинчи мағлубият бўлган эди.