04 ноя 07:57
Янгиликлар

Бокс/ММА

Адесанья UFC тарихидаги энг кучли жангчи кимлигини айтди

Ўрта вазн тоифасида UFC чемпиони Исраэль Адесанья ушбу промоушен тарихидаги энг яхши ким деган саволга ўз муносабатини билдирди.

Бу масала Хабиб - Гэтжи жангидан сўнг кун мавзусига айланганди. Ҳар ким бу саовлга ўзича жавоб бермоқда. Кўпчилик мутахассислар Хабиб Нурмагомедов ва Жон Жонсни UFC тарихидаги энг кучли жангчи деб ҳисоблаяпти. Лекин Адесаньянинг фикри тамомида бошқача.

"Агар биз UFC тарихидаги энг кучли жангчи ким деган саволга жавоб излаётган эканмиз, назаримда Деметриус Жонсонни назардан четда қолдиргандекмиз. У идеал жангчи. Балки, сиз бу фикрга қўшилмассиз. Аммо менинг шахсий фикрим шундай", — дея Адесаньянинг сўзларини келтирмоқда ESPN MMA.

Маълумот учун, Жонсон 2011-2018 йиллар оралиғида UFC промоушенида ўз жангларини ўтказган. Деметриус енгил вазн тоифасида кетма-кет 11 та жангда чемпионлик камарини ҳимоя қилган.