Афсонавий Каспаров ва Ананд ўртасида суперматч ўтказилади

Унда афсонавий собиқ жаҳон чемпионлари Гарри Каспаров ва Вишванатан Ананд 64 катакли доска ёнида яна тўқнаш келишади. Бу икки шахматчи ўртасида 12 ўйиндан иборат Chess960 (рапид+блиц) кўргазмали матч ўтказилади. Учрашув 7-11 октябрь кунлари АҚШнинг Сент-Луис шаҳрида ўтказилади ва 144 000 доллар мукофот  жамғармасига эга бўлади. 

Бундан ташқари, Магнус Карлсен, Хикару Накамура, Фабиано Каруана ва амалдаги жаҳон чемпиони Гукеш Доммараджу иштирокида 10+5 назоратида, айлана тизимида мусобақа ташкил этилади. Кунлик ғалаба бонусларидан ташқари мусобақанинг умумий мукофот жамғармаси 412 000 долларни ташкил қилади.