Ака-ука Диасларнинг шогирди Чимаевга "вызов" ташлади

"Хамзат Чимаев билан жанг қилишни хоҳлайман — бу йигит мени қўрқита олмайди. У курашчи, лекин ўзи ҳеч қачон курашчи билан жанг қилмаган. Хамзат, кел жанг қиламиз. У курашчи билан жанг қилиши керак. Унинг рақиблари ММА жангчилари, мен эса, кураш билан шуғулланадиган аралаш яккакурашлари устасиман. UFCдаги иккинчи жангимда мен уч раундлик жангда энг кўп тейкдаунлар амалга ошириш бўйича ўрта дивизион рекордини янгиладим. Яна ким шундай қила олади?", — деб айтиб ўтган Максимов ўз интервьюсида.

24 ёшли Ник Максимов UFCда иккита жанг ўтказиб, иккисида ҳам ғалаба қозонган. Дастлабки жангида у очколар эвазига Коди Брандейжни мағлуб этган бўлса, кейингисида ҳудди шу тарзда Пунахили Сориано устидан ғалаба қозонган. 27 ёшли Хамзат Чимаев айни дамда яримўрта вазн тоифасида чемпионлик камари учун ҳаракат қилмоқда ва Гилберт Бёрнсга қарши жангга тайёргарлик кўрмоқда.