13 окт 11:10
Янгиликлар

Дзюдо

Aktau Asian Open. Биринчи кун 4 нафар дзюдочимиз шоҳсупага кўтарилди + ФОТО

Қозоғистоннинг Актау шаҳрида Турар Жолдибаев хотирасига бағишланган турнир бўлиб ўтмоқда.

"Halyk Arena" мезбонлик қилаётган ушбу Осиё Очиқ кубоги Халқаро дзюдо федерацияси тақвимидан ўрин олган бўлиб, унда Озарбайжон, Гонконг, Ҳиндистон, Эрон, Қирғиз Республикаси, Мўғулистон, Тожикистон, Ўзбекистон ва Қозоғистондан жами 200 нафарга яқин спортчи медаллар учун баҳсларга киришган.

Кечаги баҳсларда 7 дзюдочимиз юртимиз шарафини ҳимоя қилган бўлса, якунда улардан 4 нафари шоҳсупага кўтарилди. Мусобақа чемпионлари ўз ҳисобларига 100 рейтинг очкосини қўшиб қўйишди. Кумуш медаль эгалари 70, бронза медаль соҳиблари эса 50 очкони қўлга киритишди.

Ҳамюртларимиздан Фотимахон Турсуналиева (-48 кг) ва Севинч Исоқова (-63 кг) кумуш, Улбусин Ҳакимова (-48 кг) ҳамда Муҳаммадяҳё Муҳаммаджонов (-73 кг) бронза медалига сазовор бўлди.