24 янв 09:42
Янгиликлар

Теннис

Албина Германия турниридаги илк учрашувини ўтказди

Тажрибали теннисчимиз Албина Хабибулина Германиянинг Штутгарт-Стаммхейм шаҳрида ўтказилаётган турнирда иштирок этди.

Турнирнинг соврин жамғармаси 25 000 АҚШ долларини ташкил этади. Ҳамюртимиз асосий тўрнинг илк даврасида турнирнинг учинчи ракеткаси, финляндиялик Анастасия Куликовага қарши кортга чиқди. Учрашувда Куликова 6:2, 6:1 ҳисобида ғалаба қозонди.

Шунингдек, Албина Хабибулина мусобақанинг жуфтлик беллашувида ҳам кортга чиқди. Босния ва Герцеговиния вакили Анита Гусарич билан бирга иккинчи рақамли жуфтликни ҳосил қилган Албина бу баҳсда ҳам мағлубиятга учради. Улар биринчи даврада чехиялик теннисчилар - Дагмар Дудлакова ҳамда Никола Томановага 4:6, 2:6 ҳисобида мағлуб бўлишди.