22 янв 11:57
Янгиликлар

Теннис

Албина Германиядаги турнирда, унинг илк рақибаси маълум

Тажрибали теннисчимиз Албина Хабибулина Германиянинг Штутгарт-Стаммхейм шаҳрида ўтказилаётган турнирда иштирок этади.

Турнирнинг соврин жамғармаси 25 000 АҚШ долларини ташкил этади. Ҳамюртимиз қуръа натижасига кўра, асосий тўрнинг илк даврасида турнирнинг учинчи ракеткаси, финляндиялик Анастасия Куликовага қарши кортга чиқади.

Шунингдек, Албина Хабибулина мусобақанинг жуфтлик беллашувида ҳам ўз имкониятини синовдан ўтказади. Теннисчимиз Босния ва Герцеговиния вакили Анита Гусарич билан бирга иккинчи рақамли жуфтликни ҳосил қилган. Улар биринчи даврада чехиялик теннисчилар - Дагмар Дудлакова ҳамда Никола Томановага қарши баҳс олиб боришади.