Алекс Фергюсон Роналдуни йиғлатгани ҳақида билармидингиз?

МЮ клуби собиқ футболчиси Рио Фердинанд Сер Алекс Фергюсон қай тарзда Криштиану Роналдуни йиғлашга мажбур қилгани ҳақида сўзлаб берди.

"Биз Португалияда бир неча ўйинлар ўтказгандик. Криштиану эса унчалик ҳам яхши ҳаракат қилмаётганда, чунки у ёш эди, унда хоҳиш керагидан ошиб кетганди.

Эсимда, "Бенфика" билан ўйнагандик. Мураббий эса Роналдуга ташланди: "Сен ўзингдан кимни ясаб олдинг? Сен бу ерга келиб олиб, ҳаммага ўзингни супер юлдуз эканингни исботлашга ҳаракат қиляпсанми? Фақат сенинг ҳаёлингда шундай, холос".

Роналду эса бу сўзлардан сўнг кийиниш хонасида узоқ вақт йиғлаб ўтирганди. Мен унга қарата: "Бу мураббийга фарқи йўқ, йигитча. Унга сени кимлигинг барибир", - дедим.

Ҳозир Роналду қандай ўйинчи бўлганига бир қаранг. Бундай ҳолатлар унга керак эди. Фергюсон Роналду билан юмшоқ ва яхши муомалада бўлишни ҳам биларди, аммо баъзи пайтларда юқоридаги каби қаттиқ муносабат ҳам зарур эди. Роналду жамоадан кетаётгандаги даражасига чиқиши учун шу каби ҳолатлар фойда берган, яъни дунёнинг энг зўр ўйинчи даражасига", - деди Рио Фердинанд.