Алекс Перейра оғир вазнга кўтарилишга тайёрлигини тасдиқлади

Бразилиялик аралаш яккакураш устаси оғир вазн тоифасидаги чемпионлик учун жанг ўтказишга тайёрлигини маълум қилди.

"Мен Оқ уйдаги турнирда Жон Жонсга қарши жанг ҳақида гапирдим. Яъни, оғир вазн тоифасида учинчи дивизион чемпионлиги учун жанг. Лекин билмадим, бу менинг қўлимдаги иш эмас. Менда хоҳиш бор, лекин мен бошқалар каби шунчаки кутяпман", - деди 38 ёшли чемпион маҳаллий телевиденияга берган интервьюсида.

Перейра UFC’даги фаолиятини 2021 йилда бошлаган, 2022 йилда ўрта вазн тоифасида UFC чемпиони бўлган. Аммо Исраэль Адесанья билан реванш жангида мағлубиятга учраб, чемпионликни бой берганидан сўнг яримоғир вазн тоифасига кўтарилган. У ерда икки вазн тоифасида UFC чемпионлигига эришган.

Бу йил Перейра октябрь ойида реванш жангида Магомед Анкалаевни мағлуб этиб, шу йилнинг март ойида россиялик жангчидан қабул қилган мағлубиятига муносиб реванш олганди. Ҳозирча UFC тарихида учта вазн тоифасида чемпионликни қўлга киритган жангчилар йўқ.