Алекс Волкановски: "Махачевни чиройли ва имкон қадар тезроқ нокаут қиламан!"

Австралиялик чемпион жангни имкон қадар тезроқ якунлаш учун ҳаракат қилишини айтди. 

"Шубҳасиз, бу даҳшатли жанг бўлади. Мен октагонга чиқаман ва ҳаммани ҳайрон қолдираман. Жангнинг тўлиқ беш раунд давом этмаслиги учун ҳаракат қиламан. Исламни эртароқ нокаут қилиш асосий мақсадим. Унинг бензобакини текшириш ниятим йўқ. Мени тўғри тушунасизлар деган умиддаман. Бу ишни чиройли ва тезроқ амалга оширишни истайман. Бўлажак оқшомдаги энг хавфли инсон мен бўламан. Мен ҳам жисмонан, ҳам руҳан бу урушга тайёрман. Мақсадим - нокаут!", - дея Алекснинг сўзларини келтиради MMA Fighting. 

Эслатиб ўтамиз, Алекс Волкановски учун бу реванш жанги бўлади. У шу йилнинг февраль ойида Австралиянинг Перт шаҳрида ўтказилган UFC 284 турнирида Махачевга очколар ҳисобига кўра имкониятни бой бериб қўйган эди.