Александр Емельяненконинг Bellator билан музокара ўтказаётгани тасдиқланди

Бу ҳақида унинг менежери Азамат Бостанов хабар берди.

"Bellator билан музокаралар кетмоқда. Александрнинг спорт формасига қараймиз. Тан олинг, агарда ака-ука Емельяненколар битта промоушенда жанг қилишса борми, бу жуда ажойиб бўлади.

Масаланинг бошқа тарафи бу Александрнинг спорт формаси. Мен ўтган ҳафта унинг аҳволини 10 дан 5 га баҳолагандим. Бизда тўлиқ тикланиш учун 2 ой бор. Беллатор бутунлай бошқа даража.

Музокараларга қайтсак, мен ўзим томонимдан қилинадиган ишларни қиляпман. Аниқ жавобни айта олмайман. Аммо, биз ушбу келишувнинг майда жиҳатларини муҳокама қилишни ҳам режалаштириб қўйдик", - деди Азамат Бостанов.