Александр Усик: "Агар Фьюри қайтса, мен жангга тайёрман!"

Британиялик собиқ жаҳон чемпиони айнан укрианаликка ютқазганидан кейин профессионал боксдаги фаолиятини якунланганини эълон қилганди. 

"Агар Тайсон Фьюри фаолиятини қайта тикласа, биз яна бир бор мухлисларга катта жанг тақдим этишимиз мумкин. Бу борада ҳеч қандай муаммо йўқ, мен тайёрман! Балки Манчестердаги "Олд Траффорд" стадионида жанг ўтказармиз", – дея Queensberry Promotions`га интервью берган Усик.

Маълумот учун, 38 ёшли Александр Усик ҳаваскор бокс бўйича Лондон-2012 Олимпиадаси чемпиони бўлган. 2013 йилда профессионал рингда дебют қилган. 2016 йилнинг сентябрь ойида биринчи оғир вазн (90,7 кг) тоифасида жаҳон чемпионига айланган. 2018 йилнинг  июлида шу вазнда мутлақ жаҳон чемпиони бўлиб, кейин супероғир вазнга ўтган эди. 2024 йилнинг май ойида Тайсон Фьюрини мағлуб этиб, супероғир вазнда мутлақ жаҳон чемпиони бўлганди.