01 янв 09:16
Янгиликлар

Бокс/ММА

Александр Усик: "Жамоам икки жанг устида ишламоқда"

Супероғир вазн тоифасидаги учта асосий йўналиш бўйича жаҳон чемпиони, украиналик 38 ёшли Александр Усик рингдаги 2026 йилги режалари ҳақида гапирди.

"Ҳозирда жамоам 2026 йил учун икки жанг устида ишламоқда. Биринчиси ёзда бўлса керак. Иккинчиси кузда. Катта жанглар бўлади", - деди Усик.

Эслатиб ўтамиз, ўтган йилнинг ёзида Александр Усик британиялик Даниэл Дюбуани 5-раундда нокаутга учратиб, яна мутлақ жаҳон чемпионига айланганди. Бироқ кўп ўтмай у Фабио Уордлига қарши рингга чиқишдан бош тортиб, WBO камарини йўқотди.

Аввалроқ, Александр 2026 йилда собиқ жаҳон чемпиони Деонтей Уайлдер билан жанг ўтказмоқчи экани ҳақида хабар берилганди. Америкаликнинг ўзи ҳам бу жанг ўтказилишини истисно қилмаяпти.