31 янв 13:29
Янгиликлар
Бокс/ММА
Александр Волкановски ва Диего Лопес дастлабки жангда қандай гонорар ишлаб олганди?
Сиднейда бўлиб ўтадиган UFC 325 турнирининг асосий жангида ярим енгил вазн чемпиони Александр Волкановски ва даъвогар Диего Лопес ўз фаолиятларидаги энг катта гонорарларни қўлга киритадилар.
Волкановскининг гонорарлари жанглар сайин юқорилаб бормоқда. У Лопесга қарши илк жангини UFC 314 турнирида ўтказган ва ўша баҳс учун 2,64 миллион доллар ишлаб олган.
Лопес эса ўша жанг учун 1,42 миллион доллар гонорар олган ва бу унинг фаолиятидаги мутлақ рекордига айланган. Ундан олдинги даромадлари эса анча кам бўлган: UFC 300да — 62,5 минг доллар, UFC 303да — 351 минг доллар ва UFC 306да — 155 минг доллар.
Спортчиларнинг бўлажак тўқнашув учун расмий гонорарлари жангдан кейин эълон қилинади.
Ҳавола :
Манба : championat.com
Фикрлар