24 май 08:06
Янгиликлар

Теннис

Александр Зверев Женевада ярим финалга чиқди

Швейцариянинг Женева шаҳрида теннис бўйича нуфузли ATP турнири давом этмоқда.

Дунёнинг бешинчи ракеткаси Александр Зверев мусобақанинг ярим финал иштирокчисига айланди. Германиялик теннисчи чорак финалда боливиялик Уго Деллиенга қарши кортга чиқди.

Зверев ушбу баҳсда рейтингнинг 92-поғонасидан жой олган рақибини уч сет натижасига кўра мағлуб этди - 7/5, 3/6, 6/3. Энди Зверев Geneva Open ярим финалида аргентиналик Федерико Дельбонис ҳамда испаниялик Альберт Рамос учрашуви ғолиби билан тўқнаш келади.