06 ноя 10:54
Янгиликлар

Бокс/ММА

Али Абдел-Азиз Махачевнинг кейинги рақиби Оливейра эмас, Гэтжи бўлишини айтди. Ислам март ойидан аввал жанг қилмайди!

Dominance MMA раҳбари Али Абдел-Азиз енгил вазн тоифасида UFC чемпиони Ислам Махачев кейинги жангини рейтингнинг иккинчи поғонасида бораётган Жастин Гэтжига қарши ўтказишини айтди.

Аввалроқ, журналист Ариэль Хельвани Ислам Махачев кейинги жангини 2024 йилнинг 20 январь куни Канадада ўтказиладиган UFC 297 турнирида бразилиялик Чарльз Оливейрага қарши ўтказишини маълум қилган эди. Лекин Абдел-Азиз бу хабарни "фейк" деб атади.

"Оливейра бу жангга умуман лойиқ эмас. Гэтжи – кейингиси!" - деб ёзган Али Абдель-Азиз ўз саҳифасида.

Шунингдек, Али Абдел-Азиз Ислам Махачевнинг 9 март санасидан олдин жанг қилмаслигини ҳам айтиб ўтган. Бундан ташқари, UFC президенти Дана Уайт ҳам Ислам Махачев ва Чарльз Оливейра ўртасидаги жанг 20 январь куни UFC 297 турнирида ўтказилиши ҳақидаги хабарни ёлғон деб атаганди.