Алишер Алимов ЖЧга тайёрланаётган самбочиларимиз билан учрашди

Ўзбекистон самбо терма жамоаси айни пайтда Чирчиқ шаҳрида ўқув-машғулот йиғинини ўтказмоқда. Кеча Ўзбекистон самбо ассоциацияси раиси Алишер Алимов ЖЧга тайёрланаётган самбочиларимиз билан учрашди. Учрашув давомида ассоциация раҳбарига раис ўринбосари Ислом Одилов, бош мураббий Роман Шакиров ва мураббий Шавкат Жўраев ҳамрохлик қилди. 

Учрашув давомида ассоциация раҳбарияти спортчиларимизнинг кайфияти билан қизиқди, уларнинг тайёргарлик жараёнида юзага келаётган муаммоларни тинглади.

Ўз навбатида спортчилар тайёргарлик юзасидан ўз фикр ва таклифларини билдириш имкониятига эга бўлишди.