Алькарас бу йил қай томонлама ўзгарганини очиқлади

"Ҳозирда мен умуман бошқача даражадаман, ўтган йилгига қараганда менда тажриба янада кўпроқ бўлди. Ундан ташқари, ўйинларни яхши ўтказяпман. Тажриба эвазига анчагина ўсдим. Шунингдек, жанговарроқ бўлдим, вазиятларни олдиндан ўқий оляпман. Бу йил мен учун бошқача ўтяпти.

Ёмғир хавфи остидаги ўйин ҳам бир тажриба бўлди. Жуда узоқ кун ўтди, ўйин бўладими йўқми, билмадик. Кутиш жараёни пайтида бир қанча баҳслар видеосини томоша қилдим. Шунингдек, бу ерда бўлаётган Moto GP пойгасини мураббийларим ва дўстларим билан кузатдик.

Ферреро билан муносабатлар профессионаллик доирасидан чиқиб кетган, бу шахсий масала. У менинг иккинчи отам. Отамдан кўра у билан бирга кўпроқ вақт ўтказяпман. Бундай муносабатда бўлиш - жуда позитив ҳолат. Айнан у сабабли анчагина ўзгардим. Усиз бугунги даражамга етиб кела олмасдим", - деди Алькарас.